ბატონი გელა ჩარკვიანი საქართველოს უახლესი ისტორიის ერთ-ერთი გამორჩეული პიროვნებაა. მისი ბიოგრაფია განსხვავებული და უაღრესად მრავალფეროვანია. ჩარკვიანის აზრით მნიშვნელოვანი გავლენა მისი მსოფლხმედველობის ჩამოყალიბებაზე აშშ-ში გატარებულმა წლებმა იქონია, 70-იანი წლების პერიოდმა, როდესაც ახალგაზრდულმა რევოლუციამ პიკს მიაღწია.

მისი კარიერა ტელევიზიით იწყება. მოგვიანებით იყო მოგზაურობა ალტანტაში ქართველ მსახიობებთან ერთად, სადაც ქართველი ემიგრანტებისთვის „თბილისობა“ მოეწყო.

90-იან წლებში ჩარკვიანი იყო საქართველოს პრეზიდენტის მრჩეველი, მოგვიანებით კი საქართველოს ელჩი დიდ ბრიტანეთსა და ჩრდილოეთ ირლანდიაში.

გარდა საზოგადოებრივ-პოლიტიკური მოღვაწეობისა, აღსანიშნავია მისი გატაცება მუსიკით. 2001 წელს გამოიცა მისი საფორტეპიანო მინიატურების ალბომი, ასევე გამოიცა მის მიერ თანამედროვე ქართულ ენაზე ნათარგმნი „მეფე ლირი“.

ხუთშაბათს, 7 მაისს, გელა ჩარკვიანი გესაუბრებათ საკუთარ ბიოგრაფიასა და საქართველოს უახლოეს ისტორიაზე.

საქართველოს უნივერსიტეტის IV კორპუსი, V სართული;

519-ე აუდიტორია, 14:30 სთ.